Qarabağda partizan müharibəsi
Müasir həyatımızda vətənimizin ermənilər tərəfindən ardıcıl
olaraq işğal olunduğu bir vaxtda partizan hərəkatı vacibdir
1989-cu
il dekabr ayının 1-də Ermənistan SSR-nin Ali Soveti qeyri-qanuni şəkildə
“Dağlıq Qarabağ Muxtar Vilayəti”nin Ermənistan SSR-yə birləşdirilməsi
haqqında” qərar qəbul etdi. 1990-cı ildə Ermənistan açıq şəkildə
Azərbaycana qarşı işğalçılıq fəaliyyətinə start verdi. Bu hərbi təcavüz
nəticəsində Azərbaycan ərazilərinin 20 faizi işğal edilmiş, 20 mindən çox insan
qətlə yetirilmiş, 50 mindən artıq adam yaralanmış və şikəst olmuşdur. Bir
milyondan artıq insan qaçqın və məcburi köçkün şəraitində yaşamaqdadır.
Yüzlərlə vətandaşımız, o cümlədən uşaq,
adın və qocalar erməni əsir və girovluğundadır.
Bu gün bu işğalın nəticələrini təhlil edərkən, istər-istəməz sarsılırsan, özünə sual verirsən, bu biabırçı məğlubiyyətin qarşısını almaq olardımı, itkilərimizi ən azından minimuma endirmək şansımız nə dərəcədə, bu acı taleyi yaşamamaq üçün biz əlimizdən gələni etdikmi? Ümumiyyətlə Azərbaycana qarşı açılmış bu ədalətsiz müharibədən qalib çıxmaq üçün Azərbaycan tərəfi bütün vasitələrdən yararlandımı? Bu münaqişədə Azərbaycan tərəfi əlində olan potensial imkanlardan maksimum istifadə etməyib. Bu fikri əsaslandırmaq üçün saysız hesabsız səbəblər gətirmək olar, lakin bunların arasında deyərdim bəlkə də ən əsası, işğal olunmuş ərazilərdə üstünlük təşkil edən azərbaycanlı əhalisinin və yaxud da qeyri, işğal olunmamış Azərbaycan ərazilərindən düşmənlə döyüşmək qabiliyyətinə malik, Sovet ordu sıraları tərkibində münaqişə bölgələrində döyüş təcürbəsi toplamış vətandaşlarımızın müharibəyə verə biləcəkləri töhfələrdən istifadə olunmamasıdır.
Məntiqlə, əgər bu kimi, müharibə aparmaq siyasətinə Azərbaycan tərəfindən vaxtında üstünlük verilsə idi, yəqin ki, minlərlə sivil vətandaşımız məcburiyyət qarşısında öz el-obasını buraxıb, əsir düşüb ermənilər tərəfindən qətlə yetirilmək, işgəncələrin təsirindən ölmək,
amansız rəftara məruz qalmaq əvəzinə müqavimət göstərməyə çalışardı. Düşmənə nizamsız olsa belə müqavimət göstərə biləcək yerli əhaliyə mərkəzləşdirilmiş qaydada tələb
olunan hərbi, psixoloji yardımın göstərilməsi, ən azından onların arasında ruh
düşkünlüyünə imkan verməzdi, insanımız ləyaqətinin mütəmadi alçaldılmaqla özünüöldürmə
dərəcəsinə çatmaq əvəzinə silaha sarılıb erməni hərbi birləşmələrinə qarşı elə öz ata yurdunda mübarizə aparardı. Bəli, söhbət Azərbaycanın erməni hərbi birləşmələri tərfindən işğal olunmuş ərazilərində nədənsə istər o zaman, istərsə də bu gün düşmənin nəzarət edici mexanizminə qarşı müqavimət göstərmək üçün xalqın içindən seçilmiş şəxslərdən ibarət nizamsız hərbi qüvvələrin, yəni partizan hərəkatının yaradılmamasından gedir.
Nə qədər gec olsa belə, işğal altında qalan bölgələrdə
partizan birlikləri yaradılmalıdır. Bu
birliklərin vəzifələri arasında düşmən
nəqliyyatın və ünsiyyətin kəsilməsi, maneə törədilməsi, erməni hərbi birləşmələrinin zabitlərini fiziki cəhətdən məhf edilməsi, gələcəkdə Azərbaycan Nizami ordusunun işğal olunmuş torpaqları azad etməyi üçün keçirəcəyi iri miqyaslı hucumlar üçün davamlı plasdarmlar yaratmaqdan ibarət olmalıdır. Yerli əhalidən ibarət olan ilk partizan birlikləri Azərbaycan nizami ordusu zabitləri, birinci Qarabağ müharibəsi iştirakçıları və ya hər hansı bir vaxt dunyanın qaynar bölgələrində döyüş yolu keçmiş, döyüş taktikasını və strategiyasını mənimsəmiş şəxslər tərəfindən idarə olunmalıdır. Partizan dəstələrinin liderləri yetişdirərək bu
kəsləri işğal altındakı bölgələrə göndərmək üçün dövlətin xüsusi xidmət orqanları başlıca rol oynamalıdırlar.
Burada bəzi oxucuların bu məsələ də mənimlə razılaşmaması da mümkündür. Misal üçün xatırlamadığım elektron saytların birində belə bir arqumentlər irəli sürülmüşdür ki, Azərbaycanda formalaşmış
dövlət var, bu dövlətin
mərkəzləşdirilmiş qaydada silahlı qüvvələri mövcuddur. Bu dövlət Müdafiə Nazirliyi, Sərhəd Qoşunları, Daxili
Qoşunlar və digər qoşun növlərinə malikdir. Azərbaycanda partizan dəstələrinə uyğunlaşdırılmış könüllü
batalyonlar müstəqil dövlətimiz formalaşmazdan əvvəl olub. Bu dəstələr arasında
rabitənin olmaması, vahid komandalığa tabe olmamaları son nəticədə ağır
məğlubiyyətlərə səbəb oldu. Hazırda dövlətin nəzarətindən kənarda hərbi
birləşmənin yaradılmasına ehtiyac yoxdur. Hətta bəziləri bu məsələyə daha sərt mövqe nümayiş etdirib bildirəcəklər ki, ” qanunsuz silahlı birləşmə
yaratmağa ehtiyac duyulmur. “
Lakin
bura da məsələ bir qədər fərqlidir. Söhbət hansısa oliqarxın tabeçiliyində maddi vəsait
hesabına saxlanılan qanunsuz silahlı
dəstələrdən və yaxud idmançılardan getmir.
Hər
nə qədər işğalçı güc tərəfindən çox vaxt “terrorist” olaraq adlandırıla bilsə də partizanlar döyüş hüququ baxımından yenə də dövlətlər arası xarici işğaldan qurtarmaq üçün döyüşən, milli ordunun formalı
üzvləri olaraq qəbul edilib. Ümumiyyətlə
işğalçılıq idarəsinə qarşı müqavimət hərəkatlarınin onlarla nümunəsini misal gətirmək olar.
Təsəbvür edin işğal olunmuş torpaqlarda partizan dəstələri və həmin dəstələrin vahid partizan komandanlığından qaynaqlanan ” komando “ qrupları erməni hərbi birləşmələrinin qaynaqlarını ələ keçirmək və ya yox etmək məqsədilə yürüşlər edir. Bu silahlı qüvvələr, işğal olunmuş ərazilərdə erməni hərbi birləşmələrinin dislokasiya məntəqələrində düşmənə xırda miqyaslı zərbələr endirib , strateji əhəmiyyət kəsb edən yolları və ya kəndləri ələ keçirəcək, strateji əhəmiyyətli obyektlərin mühafizə sistemini pozacaq, döyüş-sursat anbarlarını, hava limanlarını sıradan çıxardacaq, ən əsası odur ki, lazım olan məqamlarda düşmən hər hansı bir döyüş əməliyyatını həyata keçirmək üçün əlavə texnika və ya canlı qüvvə ayırmağa məcbur olacaq.
İşğal olunmuş ərazilərdə yerli əhalidən formalaşmış Partizan dəstələrinin effektiv mübarizə aparması üçün xalqın, yəni elə həmin partizan dəstələrinin mənbəyi hesab olunan yerli əhalinin döyüşməyən təbəqəsinin dəstəyi şərtdir. Yaradılması hər zaman vacib olan nizamsız partizan dəstələri düşmənin işğal etdiyi ərazilərdə özünə sərf edən, lakin düşmən üçün diskomfort (dağlar, meşələr, mağaralar) yaradan amillərdən düşmən əleyhinə məharətlə yararlanmağı bacarmalıdır. Bu dəstələrin Azərbaycan Requlyar ordusundan fərqli olaraq məqsədi erməni hərbi birləşmələrini darmadağın etmək deyil, düşmənə zərər verməyi,
döyüşmə əzm və iradəsini qırmağa çalışmalıdır . Sözsüz ki, ordu komandanlığının müvafiq qurumları tərəfindən dəstəyin təmin
edilməsi partizan dəstələrinin aparacaqları silahlı mübarizənin uğurlu ola bilməsi üçün həyati
əhəmiyyət daşıyar.
Əslində üzərində fikir yürütdüyümüz və eyni zamanda bu gün torpaqlarımızın işğal altında olduğu bir zamanda yaradılmasını vacib saydığımız partizan hərəkatı anlayışı heç də Azərbaycan xalqı üçün yad bir tendensiya deyil. Düzdür bu müqavimət dəstələri partizan, fədailər, nəbilim daha nə kimi,
adlandırılmasalar da, mahiyyətcə eyni məqsədlər üçün yaranıb, mübarizə aparıblar. Bizim də xalqa məxsus, hələ də adları geniş kütləyə məlum olmayan milli qəhramanlarımız, həm də partizan hərəkatının rəhbərləri olub. Azərbaycanın
zülmdən qurtarılması uğrunda , erməni qaniçənlərin məhv
edilməsində partizanların əvəzsiz rolu olmuşdur. Milli qəhrəmanlarımız Azərbaycanın ayrı-ayrı
bölgələrində düşmənə qarşı rəşadətlə
vuruşmuş xalqımızın qisasını onlardan dəfələrlə almışlar.
Onlar
liderləri olduqları dəstələrin silah-sursatla, proviantla, zəruri ləvazimatlarla təmin olunmasını bacarıqla həyata keçirir,
düşmənə qarşı hücum planlarının işlənib hazırlanmasında əsl sərkərdəlik nümayiş etdirirdilər. Çox hallarda silahlı kəndlilər kiçik və böyük
dəstələrdə birləşərək erməni siyasəti yeridən çar məmurları üzərinə
hücum edir . Bu kəndli çıxışları özünəməxsus bir formada həmin dövrdə mövcud idarə sisteminə qarşı etiraz idi . Erməni işğalçılarına qarşı mübarizədə bir çox
azərbaycanlılar haqsızlığa dözməyərək dağlara çəkilib daşnaklara qarşı silahlı
müqavimətə başlayıblar. Belə dəstələrin
üzvlərinə xalq arasında qaçaqlar deyilirdi.
Azərbaycanda partizan hərəkatı XIX əsrdə və XX əsrin
birinci yarısında çox mühüm əhəmiyyətə malik olmuş, partizan hərəkatının fəal
olduğu bölgələrimizdə ermənilərin və onların havadarlarının bir çox planları
puç olmuş, erməni qırğınları zamanı azərbaycanlıların kütləvi qırılmasının
qarşısı alınmışdır. Müasir həyatımızda vətənimizin ermənilər tərəfindən ardıcıl olaraq işğal olunduğu bir
vaxtda partizan hərəkatı vacibdir.
Son
günlər gündəmə gətirilmiş həssas məsələlərdən biri də yüzlərlə Azərbaycan
gəncinin ölümü gözü qarşısına alıb Suriya qırğınına yollanması və orada həlak olmasıdır.
Cəmiyyətimizdə bu gənclərə münasibət bir mənalı deyil. Onların atdıqları addımları dəstəkləyənlər də var, qınayanlarda. Bura da ən ciddi əsas ondan ibarətdir ki, bu gənclər Azərbaycanda anadan olublar, yaşayıblar və bizim hər birimizdən heç də ciddi bir ideoloji, fizioloji fərqi olmayıb. Onlar da bizim hər birimiz kimi, ata ana övladıdır, hər biri ailə qurub, övlad böyütmək arzusu ilə yaşayıblar. Lakin nə baş verdi ki, bu gənclər ölkəmizdə hansısa təriqətlər, xarici təsirlər altına düşüb burnumuzun ucunda düşmən işğalı altında olan Qarabağda deyil, Azərbayan sərhədlərindən minlərlə km uzaqlarda olan Suriyada “şəhid” olmağa yollandılar.
Müstəqil
ekspertlərin fikrincə, Azərbaycan
hökuməti bu cür könüllülərdən narahat olsa da, onların Qarabağda savaşa cəlb
olunması dövlət üçün müsbət amilə çevrilə bilərdi. Suriya və ya Əfqanıstana
gedən azərbaycanlı dindardır və o Qarabağ problemini xristian-müsəlman davası
kimi qəbul edir. Və hesab edir ki, hər yerdə bu müharibə davam edir, yəni
məsələn, Əfqanıstanda vuruşmaqla Qarabağa da yardım etmiş olur. Bu onun
düşüncəsidir. Bu insanlar Qarabağda da belə bir qurum yaratmağa çalışdılar. O
zaman dövlət buna qarşı çıxdı. Hakimiyyət üçün maraqlı olmasa da, Azərbaycan
dövləti üçün Qarabağda partizan hərəkatının olması faydalıdır. Bu Azərbaycanın
əlində əlavə arqument olardı. Hökumət də bu prosesi öz nəzarəti altına götürə
bilərdi.
Qeyd etdiyimiz gənclərin bir qismi öz soydaşlarından fərqli olaraq, Qarabağda deyil, bura da, Bakıda, ən yaxşı halda respublikamızın ayrı-ayrı barıt qohusu bilməyən rayonlarında anadan olublar, bunlar Qarabağ haqqında ancaq ara-sıra valideynlərindən, eləcə də bu günün təbliğat
mexanizminin tələblərinə cavab verməyən, lakin senari qurluşlarına,
çəkilməklərinə milyonlar sərf edilmiş filmlərdən duyblar , digər qismi isə “Topaz” salonlarında saatlarla əhəmiyyətsiz vaxt öldürüb, futbolda kimin nəvaxt, harada top vurmasını əzbərdən bilsə də, xəritədə Qarabağın harada yerləşməsini, hansı ərazilərin nəvaxt, hansı şəraitdə erməni hərbi birləşmələri tərəfində işğal olduğunu söyləməyə çətinlik çəkər. Elə bu səbəblərdən bizim
bu gün ölümün gözünə baxmaqdan qorxmayan, dinimiz, torpaqlarımız uğrunda gözünü
qırpmadan ölməyə hazır olan hər bir Azərbaycan gəncinə, elə həmin Suriyanı
cihad yeri bilib gedənlərə də ehtiyacımız var.
Bütün bunlar hamısı kompleks şəkildə vəziyyətin nə qədər acınacaqlı olduğundan xəbər verir. Bu yerdə vəziyyətdən çıxış yolunu göstərə bilən, öhdəliyi üzərinə çəkəcək birisi varsa, bu da dövlətdir. Daha dəqiqliklə desək Dövlətin simasında elə həmin güc strukturları, dini qurumlarla iş üzrə dövlət komitəsi,Qafqaz Müsalmanlar İdarəsi, Gənclər və Idman Nazirliyi, Sosial Müdafiə Nazirliyi yaxalarını kənara çəkmək əvəzinə, öz səlahiyyət və vəzifələrini layiqincə həyata keçirməlidirlər. Əks halda bir qədər öncə yaradılmasını vacib saydığımız müqavimət qüvvələrinin tək gələcək əskəri ola biləcək gənclərin hərb maşının çatışmayan ciddi elementi kimi deyil, elə dövlətinə, vətəninə sadiq bir vətandaş kimi görməmək təhlükəsilə qarşılaşa bilərik.
İstər on il bundan öncə, Istərsə də hal hazırda Azərbaycan cəmiyyətində erməni
işğalına qarşı daha radikal və barışmaz əhval-ruhiyyə formalaşmaqda olub. Bu prosesin bütöv işğal müddətində ara-sıra passiv və yaxud qeyri passiv dövrlərinə təsadüf etmək olar. Elə götürək yaxın keçmişimizi. Misal üçün əgər xatirim məni aldatmırsa 2003-cü ildə də Azərbaycan cəmiyyətində işğalçılara qarşı müharibə və hərbi əməliyyatlar haqqında
müzakirələr aktiv şəkildə aparılırdı. Həmin zaman bir qrup gənc dəstə yaradaraq, düşmənə qarşı
partizan müharibəsinə başlamaq üçün cəbhə xəttini keçməyə cəhd göstərmişdi. Qarabax və Qarabax ətrafı yeddi rayon düşmən tərəfindən işğal olduqdan sonra, İlk dəfə erməni hərbi birləşmələri tərəfindən işğal olunmuş torpaqlarımızda partizan hərəkatı yaratmaq, onu təkmilləşdirmək və vahid komandanlığın nəzarətinə vermək şansı əldə edilmişdir. Kütləvi informasiya
vasitələrindən bizə məlumdur ki, “Qarabağ partizanları”nın əsas məqsədi əldə etdikləri silahla Ermənistan
tərəfinə keçərək, partizan müharibəsi aparmaq olub. Qrupun əksər üzvləri 2001-ci ildə Gürcüstan
ərzasində, Pankisi dərəsində çeçen mücahidlərinin hərbi bazasında hərbi təlim
keçmişdi. Hərbi təlim zamanı gənclər mühasirədən çıxmağı, çətin şəraitdə
döyüşməyi, partizan müharibəsinin incəliklərini yüksək səviyyədə mənimsəmişdilər. Qruplaşmaya daxil olan
gənclər eyni zamanda çeçen mücahidlərinin düşərgəsində öz hesablarına silah
almağı və bunu gizli yolla Azərbaycana keçirməyi bacarmışdılar. Təssüflər olsun ki, həmin zaman onlardan imtina olundu, belə ki, Qarabağa
yola düşməyə hazırlaşan “partizanlar” 2003-cü ilin avqustunda Bakıda yığışarkən respublikanın güc strukturlarının əməkdaşları tərəfindən həbs olunurlar. 2004-cü il dekabrın 22-də Ağır Cinayətlərə
Dair İşlər üzrə Məhkəmənin hökmü ilə müxtəlif müddətlərə azadlıqdan məhrum
ediliblər. Dövlət ittihamçısı ilk prosesdə “partizanlara” üst-üstə 171 il iş
istəyib. 2005-ci il martın 30-da Apellyasiya Məhkəməsində, 2005-ci il avqustun
31-də Ali M
Short URL: http://www.cumhuriyyet.net/?p=4694